香港新浪網 MySinaBlog 精選話題工具
« 上一篇 | 下一篇 »
Sleepers | 19th Jul 2011 | 愛心心聞 | (218 Reads)

80後陽光女孩卻穿梭暗街窄巷。那一晚,陳荔芬( Fun Fun)剛下班回到家,即趕製愛心糖水,跟好友鄧家怡( Carrie)一起向黑夜出發。腐竹鵪鶉蛋糖水,一碗一碗的端到拾荒者和露宿者面前,她們都笑了。這是 Fun Fun和 Carrie去年開始發起的「籽樂行動」,要把微小的快樂種籽發揚光大,把快樂傳揚到社會的陰暗角落。

籽樂行動於去年聖誕節開始,基督徒 Fun Fun去年聖誕被教友叫去報佳音,她卻獨自反思,報佳音是為了甚麼?「去唱詩歌嘅意義係乜?只係為咗慶祝節日?我想做啲唔同啲嘅嘢」。去年的聖誕夜很冷, Fun Fun在家煮了一煲喳咋,用手推車推到街上,在大埔市區四處走,見到路邊拾荒長者便向他們送上一碗糖水。

「好攰,但係好開心。最記得有兩公婆,喺天橋底用紙皮圍住瞓,我叫醒佢哋,問佢哋食唔食糖水,佢哋食完之後講咗好多聲多謝。」自此 Fun Fun幾乎每周六晚出動,考試期間也不會停止。

糖水行動持續至今逾半年,由寒夜派到熱天,好友一個接一個被 Fun Fun感動加入。最近一個酷熱的晚上,記者跟着 Fun Fun和 Carrie派糖水。 Fun Fun煮了一煲腐竹鵪鶉蛋糖水, Carrie就焗了幾盒曲奇。兩個女孩推着手推車,開心夜行。

「真係好食,姐姐好叻,多謝晒。」在大埔廣場外拾荒的陳婆婆吃着糖水,甜在心頭。 Fun Fun和 Carrie跟老人家已經混熟,每次派糖水都有講有笑。其中一位阿伯邊吃糖水邊咕噥:「自己個仔都冇咁關心我……」

在派糖水的日子裏, Fun Fun聽過不少心酸事。有一對在大埔露宿的 60歲夫婦,拾荒維生,本與兒媳同住,但兩老撿的紙皮太多,家裏容不下,放在街邊又怕被人偷走,惟有睡在街頭日夜看管。 Fun Fun說:「我聽到之後個心即刻喺度咒罵,點解個仔可以咁忍心?」

「每次出動都好深刻,有次見到個 80幾歲嘅婆婆,喺間投注站出面執彩票,當廢紙賣。佢逐張逐張咁執,同佢傾偈,先知佢老公啱啱過身,仔女喺大陸。然後我跟佢返屋企,見到佢屋企好亂,睇到我好心酸。但係婆婆唔志在我送糖水畀佢,只係想我得閒去探吓佢。」

加入派糖水的人越來越多,大家把這個行動命名為「籽樂行動」。 Carrie解釋,「籽」代表種籽,「樂」代表快樂,「籽樂」就是快樂的種籽。「我哋深信,每個人心中都有一粒快樂嘅種籽。我哋想做一群播種者,透過不同渠道喺社會散播快樂嘅種籽」。

她們聽過不少質疑與批評,「話我哋冇效率,幾個鐘探幾個阿婆,探完之後啲阿婆第二日生活又點樣?我哋咁樣播種法,未必好大成效,但如果我哋唔先做一啲嘢,唔播一啲種籽,咁所有嘢就永遠唔會發生。」 Carrie說。

蘋果日報 2011年7月19日


[2] 籽樂行動

籽樂行動成員,

妳們好, 見到妳哋咁熱心公益, 好想成為妳們成員, 去關心一班弱勢社群, 如有需要我幫忙, 請給我电郵, email: patrickcsc@yahoo.com.hk

大家繼續努力, 將愛的種籽散播開佢

Patrick
8月8目


[引用] | 作者 Patrick | 8th Aug 2011 | [舉報垃圾留言]

[1] Nice to meet you=] 我係funfun

THX FOR SHARING=]
做個朋友丫~my facebook:
fandy1031@yahoo.com.hk


[引用] | 作者 funfun | 27th Jul 2011 | [舉報垃圾留言]